Pan Ignacio: seguir sendo artesáns nunha empresa en crecemento - Costa da Morte Terra Atlántica
16366
post-template-default,single,single-post,postid-16366,single-format-standard,bridge-core-1.0.4,do-etfw,ajax_fade,page_not_loaded,,qode-title-hidden,side_area_uncovered_from_content,qode-theme-ver-18.0.9,qode-theme-bridge,qode_header_in_grid,wpb-js-composer js-comp-ver-5.7,vc_responsive
Pan Ignacio

Pan Ignacio: seguir sendo artesáns nunha empresa en crecemento

Comparte en...
Share on Facebook
Facebook
Tweet about this on Twitter
Twitter
Email this to someone
email

No sector da panadería pódese seguir sendo artesán aínda tendo distintos puntos de venda e sendo unha empresa en constante crecemento. A proba é Pan Ignacio que, con sede en Vimianzo, hoxe en día ten presenza tamén en lugares como Laxe, Ponte do Porto, Cee, Muros, Noia, Palmeira, A Coruña e ata Valencia. Sen embargo, os seus produtos continúan a elaborarse un a un a man: grazas ao seu equipo humano conseguen ofrecelos en distintos lugares coa mesma calidade.

Panaderia Pan IgnacioEn Pan Ignacio pódense mercar distintos tipos de saborosos bolos, tortas, pasteis e xeados, mais para eles as estrelas son o pan de trigo, os pans especiais naturais, os doces tradicionais galegos e as empanadas galegas de trigo e de millo. Fernando Espadasín, quen lidera a empresa, defínea como unha compañía de “fabricación e venda de produtos de panadería e pastelería”, aínda que actualmente teñan tamén cafeterías, ofrezan servizo de catering, e incluso posúan un parque de bolas. Este proxecto familiar que naceu hai 45 anos soubo, dende logo, ir adaptándose aos tempos.

Para eles, cóntanos Fernando, a Costa da Morte significa “apego á terra e ás raíces”. A iniciativa Terra Atlántica parécelles “seria e ben conformada, que promociona e pon en valor a nosa terra”. Agardan que co tempo se consiga acadar notoriedade no exterior para poder “tanto incrementar turismo como aportar valor engadido aos produtos e empresas da zona”. Boa base hai, sigamos traballando!

Sen comentarios

Publica un comentario