A Costa da Morte ten luz

A Costa da Morte ten mar

A Costa da Morte ten forza

A Costa da Morte ten paisaxe

A Costa da Morte ten carácter

A Costa da Morte ten patrimonio

E a Costa da Morte, dende agora, ten a súa propia marca: TERRA ATLÁNTICA

Unha marca que abranguerá esa luz, ese mar, esa forza, esa paisaxe, ese carácter, ese patrimonio, pero tamén os produtos, os servizos, as empresas, a calidade, o talento... dunha terra que vive na enerxía das ondas e na firmeza do chan, da que xorde unha marca que identifica, ademais das persoas que a habitan e a senten, ao abano de produtores, provedores de servizos e entidades locais de sectores como agricultura, gandaría, pesca, alimentación, industria, comunicación, hostalaría, restauración, turismo ou cultura.

Co obxectivo de visibilizar e promocionar as empresas, produtos e servizos da zona, conferir unha imaxe de calidade e achegar valor engadido, de xeito que contribúa ao seu progreso, o GDR Costa da Morte impulsa a creación dunha marca territorio, que verá a luz nas próximas semanas.

Estade atentos a esta web, iremos dando conta dos avances!