A Torre de Laxe: casar con estilo - Costa da Morte Terra Atlántica
15926
post-template-default,single,single-post,postid-15926,single-format-standard,bridge-core-1.0.4,do-etfw,ajax_fade,page_not_loaded,,qode-title-hidden,side_area_uncovered_from_content,qode-theme-ver-18.0.9,qode-theme-bridge,qode_header_in_grid,wpb-js-composer js-comp-ver-5.7,vc_responsive
torre de laxe bodas

A Torre de Laxe: casar con estilo

Terra Atlántica suma un novo establecemento hoteleiro con valor engadido: A Torre de Laxe, un hotel rústico que está especializado na organización de eventos, en particular casamentos. Carmen Pose define o proxecto que dirixe como “un complexo turístico”, xa que os seus servizos van moito máis alá de xestionar vodas, incluíndo estancias en cuartos do edificio principal, alugamento de casas e apartamentos, e packs especiais activos, románticos ou de aromaterapia. Se ben a finca e os seus edificios xa merecen unha visita -debido ao conxunto de xardín perfectamente coidado con piscina, minigolf, e vistas a mar e montaña-, as súas habitacións de estilo ecléctico, decoradas mesturando mobles antigos restaurados con toques modernos, acaban de namorar aos seus hóspedes.

torre de laxe flores bodaA Torre de Laxe naceu no ano 2010 a partir da rehabilitación das construcións en ruínas que había no terreo, buscando crear “un produto diferenciado e completo na Costa da Morte”. No 2013, a apertura dunha zona adicada á celebración de vodas deu paso á especialización en cerimonias e eventos, e a calidade gastronómica sumada ao coidado dos detalles fixeron o resto para convertelos nun referente. Dende a finca de 13.000 m² poden divisarse a Ría de Corme e Laxe, rodeadas de natureza e con moitos outros atractivos turísticos a poucos quilómetros, como son a Praia dos Cristais, o Dolmen de Dombate ou o castro A Cidá de Borneiro.

A Costa da Morte, cóntanos Carmen, é “unha zona única que temos que coidar e potenciar para ofrecer un servizo de calidade como corresponde á contorna que temos”. Pensa que unidos poderemos crear unha marca de prestixio que a faga destacar “polo moito que temos que ofrecer”. Imos seguir traballando para que sexa realidade.

Sen comentarios

Publica un comentario